Sansar News
काठमाडौं । नेकपा एमालेले बागमती प्रदेश सरकारमा सहभागी हुने छजना मन्त्रीको नाम टुंगो लगाएको छ ।
एमालेको छजना मन्त्रीहरुमा काठमाडौंका प्रकाश श्रेष्ठ र अमन मास्के, ललितपुरका प्रेम भक्त महर्जन, भक्तपुरका किरण थापामगर, चितवनका कृष्ण सिलवाल र सिन्धुलीकी सुकमाया तामाङ रहेका छन् ।
एमालेले नाम छनोट गरेकामा प्रकाश श्रेष्ठबाहेक सबै नयाँ अनुहार हुन् । यसअघि श्रेष्ठ उद्योग, वाणिज्य, भूमि तथा प्रशासनमन्त्री थिए ।
बागमतीमा नेपाली कांग्रेस-एमाले गठबन्धनले आज नै मुख्यमन्त्रीका लागि दाबी पेस गर्दैछन् । गठबन्धनका तर्फबाट कांग्रेस संसदीय दलका नेता बहादुरसिं लामाले दाबी पेस गर्नेछन् ।
नेकपा माओवादी केन्द्रका तर्फबाट मुख्यमन्त्री भएका निवर्तमान मुख्यमन्त्री शालिकराम जम्मकट्टेलले राजीनामा दिएपछि नयाँ सरकार गठनको प्रक्रिया सुरु भएको हो ।
वि.सं.२०८१ साउन ८ मंगलवार १२:५५ मा प्रकाशित
