हामी सबैकाे संसारन्यूज

काठमाडौँ । द वेस्टमिन्स्टर कलेजले पब्जी टुर्नामेन्टको आयोजना गर्ने भएको छ । ब्रिटिस एजुकेशन ग्रुपअन्तर्गतको कुपण्डोल स्थित वेस्टमिन्स्टर कलेजले यही जुलाई २८, २९ र ३०तारिखको दिन कलेजहातामा प्रतियोगिताको आयोजना गर्न लागेको हो ।

कलेजका अनुसार तीन दिनसम्म चल्ने प्रतियोगितामा हालसालै सकिएको कक्षा १२, ए लेभल वा सीबीएसईको परीक्षामा सामेल भएका विद्यार्थीहरु सहभागी हुन सक्नेछन् । प्रवेश शुल्क नराखिएको यस प्रतियोगितामा सहभागी हुनको लागि खेलाडीहरुले व्यक्तिगत तरिकाले फर्मभर्नु पर्ने छ । अनलाईन फर्म कलेजको सामाजिक संजालहरुमा उपलब्ध छन् ।

प्रतियोगिताको पहिलो दिन ओरियन्टेशन र त्यसपछि विभिन्न चरणका खेलहरु सञ्चालन हुने कलेजले जनाएको छ । साथै प्रतियोगिताको गेमिङ पार्टनर टेनेट्स रहेको कलेजले जनाएको छ ।

विजेताहरुले ८० हजार रुपैयाँको प्राइज पुलबाट नगद पुरस्कार प्राप्त गर्नेछन् भने विजेता तथा सहभागीहरुले कलेजमा आकर्षक छात्रावृत्तिसमेत प्राप्त गर्ने कलेजले जनाएको छ ।