Sansar News
काठमाडौं । सार्वजनिक खरिद अनुगमन कार्यालयले विभिन्न १५ कम्पनीलाई कालोसूचीमा राख्ने प्रक्रिया सुरु गरेको छ ।
विभिन्न सार्वजनिक निकायबाट कालोसूचीमा राख्न गरिएको सिफारिस अनुसार अनुगमन कार्यालयले १५ वटा निर्माण तथा आपूर्तिकर्ता कम्पनीलाई कालो सूचीमा राख्ने प्रक्रिया सुरु गरेको हो ।
ती कम्पनीहरुलाइ पहिलोपटक ३० दिने सूचना जारी गरेर स्पष्टीकरणका लागि बोलाए पनि स्पष्टीकरण नदिएपछि पुनः सात दिनभित्र स्पष्टीकरण पेश गर्न कार्यालयले अल्टिमेटम समेत दिएको हो । ती कम्पनीहरुले सात दिनभित्रमा लिखित स्पष्टीकरण नदिए कालो सूचीमा पर्ने जनाइएको छ ।
वि.सं.२०८१ साउन १० बिहीवार ०९:५० मा प्रकाशित
