काठमाडौँ । नेपाल राष्ट्र बैङ्कले चालू आर्थिक वर्ष २०८१/८२ को मौद्रिक नीतिमा सार्वजनिक गरेको छ । शुक्रवार मौद्रिक नीति सार्वजनिक गर्दै गभर्नर महाप्रसाद अधिकारीले हालको नीतिगत दर ५.५ प्रतिशतलाई ५ मा झारिएको बताए । त्यस्तै बैङ्क दर ७ प्रतिशतबाट ६.५ प्रतिशतमा झारिएको छ ।
नेपाल राष्ट्र बैङ्कले चालु आर्थिक वर्षका लागि निजी क्षेत्रमा जाने कर्जा प्रवाह १२ प्रतिशत बढाउने लक्ष्य लिएको छ । नीतिगत दर घटाउँदै राष्ट्र बैङ्कले निजी क्षेत्रतर्फ कर्जा विस्तार १२ प्रतिशत कायम गरेको हो । त्यस्तै मुद्रास्फीति ५.५ प्रतिशतमा कायम गर्ने लक्ष्य लिइएको गभर्नर महाप्रसाद अधिकारीले बताए ।
तल हेर्नुहाेस् माैद्रिक नीति
वि.सं.२०८१ साउन ११ शुक्रवार १३:०९ मा प्रकाशित
