रौतहट । बालिकालाई सामूहिक बलत्कार गरेको आरोपमा तीन जनामाथि मुद्दा दर्ता भएको छ । रौतहटको गुजरा नगरपालिकामा एक दलित बालिकामाथि २२ दिनअघि सामूहिक बलात्कार भएको थियो ।
लेनदेनमा मुद्दा मिलाउने प्रयास भएपछि मुद्दा दर्ता गर्ने समय लम्बिएको हो । गएको ७ गते गरुडामा मुद्दा दर्ता भएको हो ।
आरोपीहरू गुजरा ४ कनकपुर गाउँका वर्ष २० का शेख ईञ्जमाम, वर्ष २१ का शेख मुस्ताक र वर्ष २५ को दीपेन्द्र कुमार दासविरुद्ध जबरजस्ती करणी लगायतको मुद्दा दर्ता भएको जिल्ला प्रहरी प्रवक्ता डिएसपी एलिजा गिरीले बताएकी छन् ।
पीडित बालिकाको स्वास्थ्य परीक्षण गरेर आवश्यक कारबाही प्रक्रिया अगाडि बढाएको छ भने थप अनुसन्धान भइरहेको छ ।
घटना विवरण अनुसार आरोपी मध्ये एकजनाले गुजरा ४ कनकपुर गाउँकी १७ वर्षीय एक दलित बालिकालाई विभिन्न प्रलोभन दिई गत असार १५ गते दिउँसो कटहरिया २ कनकपुर जमुनिया गाउँबिचको चौरमा लागेका थिए ।
पहिल्यै देखि त्यहाँ लुकिबसेका अन्य दुई आरोपीसहित तीनैजनाले बलपूर्वक दलित बालिकालाई पालै पालो बलात्कार गरी मोबाइल फोनबाट भिडियो समेत बनाएका थिए ।
वि.सं.२०८१ साउन १३ आइतवार १०:४४ मा प्रकाशित
