back

तातोपानीमा माओवादी, कनकासुन्दरी र पातारासीमा काँग्रेस विजयी

वि.सं.२०७४ जेठ ३ बुधवार

159 

shares
Global IME AD
NMB Bank Limited Long Ad Banner

३ जेठ, जुम्ला । तातोपानी गाउँपालिकाको अध्यक्षमा नेकपा ९माओवादी केन्द्र०का नवराज न्यौपाने र उपाध्यक्षमा सोही पार्टीकै गङ्गादेवी उपाध्याय विजयी हुनुभएको छ ।

निर्वाचन अधिकृत नोखबहादुर बस्यालकाअनुसार न्यौपानेले दुई हजार ३९१ मत प्राप्त गर्नुभयो । उहाँका निकटतम प्रतिद्वन्द्वी नेकपा ९एमाले०का सुरतबहादुर शाहीले दुई हजार २५ मत प्राप्त गर्नुभयो ।

उपाध्यक्षमा माओवादी केन्द्रका उपाध्यायले एक हजार ९६२ मत ल्याई विजयी हुनुभयो । उहाँका प्रत्याशी एमालेका नारायणी चौलागाईंले एक हजार ९०६ मत प्राप्त गर्नुभयो ।

कनकासुन्दरी र पातारसीमा काँग्रेस विजयी

यसैगरी कनकासुन्दरी गाउँपालिकाको अध्यक्षमा काँग्रेसका नरवीर रावत र उपाध्यक्षमा काँग्रेसकै उर्मिला भण्डारी विजयी हुनुभएको छ ।

रावतले दुई हजार ११३ मत प्राप्त गर्नुभयो । उहाँका निकटतम प्रतिद्वन्द्वी माओवादी केन्द्रका राजजङ्ग हमालले एक हजार ८४४ मत प्राप्त गर्नुभयो । उपाध्यक्षमा भण्डारीले एक हजार ९४१ मत ल्याई विजयी हुनुभयो । उहाँका निकटतम प्रतिद्वन्द्वी माओवादी केन्द्रका मिमसरा राना रावतले एक हजार ४३१ मत प्राप्त गर्नुभएको निर्वाचन अधिकृत तुमनाथ उप्रेतीले जानकारी दिनुभयो ।

यसैगरी पातारासी गाउँपालिका अध्यक्षमा काँग्रेसका लक्षिमन बोहोरा र उपाध्यक्षमा सोही पार्टीका पुन्नकली महतारा विजयी हुनुभएको छ ।

निर्वाचन अधिकृत जगत बस्नेतकाअनुसार बोहोराले दुई हजार ३११ मत प्राप्त गर्नुभयो । उहाँका निकटतम प्रतिद्वन्द्वी माओवादी केन्द्रका गौरीशङ्कर बुढाले एक हजार ९३० मत प्राप्त गर्नुभयो । उपाध्यक्षमा महताराले दुई हजार २५ मत प्राप्त गर्नुभयो । उहाँका निकटतम प्रतिद्वन्द्वी माओवादी केन्द्रका जनमाया रोकायाले एक हजार ८५५ मत प्राप्त गर्नुभयो ।

तिलामा अध्यक्षमा एमाले, उपाध्यक्षमा माओवादी

तिला गाउँपालिकाको अध्यक्षमा एमालेका रतननाथ योगी एक हजार ७६८ मत ल्याई विजयी हुनुभएको छ । उहाँका निकटतम प्रतिद्वन्द्वी माओवादी केन्द्रका जङ्गबहादुर बस्नेतले एक हजार ७४४ मत प्राप्त गर्नुभयो ।

निर्वाचन अधिकृत माधवप्रसाद पौडेलकाअनुसार उपाध्यक्षमा माओवादी केन्द्रका विष्णु बुढाले एक हजार ७७४ मत ल्याई विजयी हुनुभयो । उहाँका निकटतम प्रतिद्वन्द्वी एमालेका विष्णुकली रावतले एक हजार ६१६ मत प्राप्त गर्नुभयो ।

अहिलेसम्म जुम्लामा मतपरिणाम सार्वजनिक भएका सात स्थानीय तहमा अध्यक्ष पदमा काँग्रेस र माओवादी केन्द्र तीन÷तीन वटामा तथा एमाले एउटामा विजयी भएको छ भने उपाध्यक्ष पदमा माओवादी केन्द्र चार, काँग्रेस दुई र एमाले एउटामा विजयी भएको जिल्ला निर्वाचन अधिकारी खुमप्रसाद सुवेदीले जानकारी दिनुभयो ।

वि.सं.२०७४ जेठ ३ बुधवार ०९:२४ मा प्रकाशित

फागुन १३ गतेदेखि नारायणगढ-मुग्लिन सडक बन्द नगरिने

फागुन १३ गतेदेखि नारायणगढ-मुग्लिन सडक बन्द नगरिने

चितवन । दैनिक चार घण्टा सवारी रोकेर पुल निर्माणका लागि...

कांग्रेस महासमिति बैठक : एक हजार ६३ जनाको हस्ताक्षसहित हिन्दू राष्ट्रसम्बन्धी प्रस्ताव पेश

कांग्रेस महासमिति बैठक : एक हजार ६३ जनाको हस्ताक्षसहित हिन्दू राष्ट्रसम्बन्धी प्रस्ताव पेश

ललितपुर । नेपाली कांग्रेसको जारी महासमिति बैठकमा धार्मिक स्वतन्त्रतासहितको वैदिक...

गैरकानुनी रुपमा भोग चलन गरिँदै आएका जग्गाको विवरण पठाउन ७७ जिल्लामा गृहको निर्देशन

गैरकानुनी रुपमा भोग चलन गरिँदै आएका जग्गाको विवरण पठाउन ७७ जिल्लामा गृहको निर्देशन

काठमाडौं । गृहमन्त्रालयले ७७ वटै जिल्लामा गैरकानुनी रुपमा भोगचलन गरिदैँ...

प्रतिनिधिसभा बैठक : गणपूरक सङ्ख्या नपुगेपछि विधेयक पेस हुन सकेन

प्रतिनिधिसभा बैठक : गणपूरक सङ्ख्या नपुगेपछि विधेयक पेस हुन सकेन

काठमाडौँ । प्रतिनिधिसभाको आजको बैठकमा राजनीतिक दलसम्बन्धी ऐन, २०७३ लाई...

फागुन १६ बाट काठमाडौं महानगरमा रुबेला र दादुरा खोप लगाइने

फागुन १६ बाट काठमाडौं महानगरमा रुबेला र दादुरा खोप लगाइने

काठमाडौं । काठमाडौं महानगरपालिकामा फागुन १६ गतेबाट रुबेला दादुरा खोप...

रास्वपाद्वारा सडक र सदन दुवै अवरुद्ध गर्ने चेतावनी

रास्वपाद्वारा सडक र सदन दुवै अवरुद्ध गर्ने चेतावनी

काठमाडौं । राष्ट्रिय स्वतन्त्र पार्टी (रास्वपा)ले सडक र सदन दुवै...