Sansar News
काठमाडौँ । अविरल वर्षाका कारण त्रिभुवन अन्तर्राष्ट्रिय विमानस्थल प्रभावित बनेको छ । बाक्लो पानी र हुस्सुका कारण विमानस्थलको भिजिबिलिटी कम हुँदा जहाज उडान तथा अवतरणमा समस्या भएको हो ।
मङ्गलवार बिहानदेखिको वर्षाले जहाज उडान तथा अवतरणमा समस्या आइरहेको त्रिभुवन विमानस्थलमा प्रवक्ता सुवास झाले बताए ।
उनका अनुसार खराब मौसमकै कारण केही जहाज अवतरण गर्न नसकेर आकाशमा नै होल्ड भएका छन् भने केही डाइभर्ट भएका छन् । सेडुलमा रहेका जहाज उडानमा वर्षाले समस्या ल्याएको झाको भनाई छ ।
खराब मौसमका कारण स्टानाबुलबाट काठमाडौँ आएको टुर्किस्तान एयर उतै डाइभर्ट भएको छ । फ्लाइ दुबई र डर्क एयर अवतरण गर्न नसकेर आकाशमा होल्ड भएका छन् ।
वि.सं.२०८१ साउन २२ मंगलवार १०:४३ मा प्रकाशित
