हामी सबैकाे संसारन्यूज

भक्तपुर । सुर्यबिनायक नगरपालिका-१० चित्तापोल बस्ने सिन्धुपाल्चोक बाह्रबिसे नगरपालिका-२ घर भएकी गीता बस्नेतकी छोरी ११ महिनाकी नेलिस्ता बस्नेतको बाल्टिनमा रहेको पानीमा डुबेर सोमबार साँझ मृत्यु भएको छ ।

डुबेर अशक्त भएकी उनको ख्वप अस्पताल च्यामासिंहमा उपचारको क्रममा मृत्यु भएको हो ।  बर्दिया, बार बर्दिया नगरपालिका-८ मामा घरमा बस्दै आएका हाल वतन नखुलेका गीतादेवी विकको छोरा १६ वर्षीय शाहिल विकको सोही ठाउँस्थित बबई सिंचाई नहरमा डुबेर सोमबार दिउँसो मृत्यु भएको  ।

पौडी खेल्न गएको अवस्थामा डुबी बेपत्ता भएको भन्ने खबर प्राप्त हुनासाथ इलाका प्रहरी कार्यालय जयनगर र इलाका प्रहरी कार्यालय बानिया भारबाट खटिएको प्रहरीले सशस्त्र प्रहरी बल तथा स्थानीयको सहयोगमा खोजी गर्ने क्रममा शव फेला परेको हो ।  यस सम्बन्धमा प्रहरीले आवश्यक अनुसन्धान गरिरहेको छ ।