Sansar News
काठमाडौँ । मङ्गलवार राष्ट्रिय स्वतन्त्र पार्टी संसदीय दलको बैठक बस्ने भएको छ । बिहान १०ः३० बजलाई बैठक बोलाइएको हो ।
बैठकमा छलफलका लागि पाँच एजेन्डा छन् । रास्वपा संसदीय दलको कार्यालय सिंहदरबारमा बस्ने बैठकमा समसामयिक, राजनीतिक घटनाक्रमका बारेमा छलफल हुनेछ ।
छलफलका थप एजेन्डामा प्रस्तावित जलन सम्बन्धी गैरसरकारी विधेयक, प्रतिनिधि सभाको बैठक र समितिमा छलफल भइरहेको विधेयकहरू सम्बन्धी, कानुन, न्याय तथा मानव अधिकार समितिबाट सर्वसम्मतिले सदनमा पठाइएको सङ्क्रमणकालीन न्याय सम्बन्धी विधेयक र विविध छन् ।
वि.सं.२०८१ साउन २८ सोमवार १५:०८ मा प्रकाशित
