हामी सबैकाे संसारन्यूज

गोरखा । मनकामना मन्दिरमा भक्तजनहरू घट्न थालेका छन् । मर्मत सम्भारका लागि भन्दै गत असार ३१ गतेदेखि मनकामना केवलकार बन्द भएपछि मन्दिर आउने भक्तजनको सङ्ख्या ह्वात्तै घटेको हो ।

तुलनात्मक रूपमा करिब ६० प्रतिशतले भक्तजन घटेको मनकामना मूल पुजारी इन्सान थापा मगरले बताए ।
शनिबारबाहेक अन्य दिन दैनिक एक सय जना भक्तजन पुग्न पनि मुस्किल हुने गरेको उनले जानकारी दिए । उनका अनुसार शनिवार पनि दुई तीन सय जना मात्र भक्तजन हुने गरेका छन् । केवलकार खुलेको बेला यो सिजनमा कम्तीमा एक हजार भक्तजन आउने गरेको उनी बताउँछन् ।

भक्तजनको सङ्ख्यामा मात्र होइन केवलकार बन्दको प्रभाव मनकामना क्षेत्रको व्यापार व्यवसायमा पनि परेको छ । भक्तजन कम भएकै कारण अहिले अधिकांश रेष्टुरेष्ट तथा लजहरू बन्द छन् ।