Sansar News
काठमाडौँ । पाँच दिनअघि बढेको अन्डाको भाउ शुक्रबारदेखि लागु हुने गरी फेरि बढाइएको छ । नेपाल लेयर्स कुखुरापालक संघले शुक्रबारदेखि लागु हुने गरी मूल्य बढाउने निर्णय गरेको हो । तर, उपभोक्ताहरुले भने पटकपटक अण्डाको भाउ बढाएपछि असन्तुष्टि जनाउँदै आाक्रोस पोख्न थालेका छन् ।
लेयर्स संघको बिहीबार बसेको भौतिक र भर्चुअल बैठकले चितवनलाई आधार मानेर अन्डाको समर्थन मूल्य तोकेको हो । अब मध्यम अन्डाको मूल्य प्रतिक्रेट ४ सय ३५, ठूलो अन्डा प्रतिक्रेट पाँच सय १० र एक्सएल अन्डा प्रतिक्रेट पाँच सय २५ रुपैयाँ तय भएको छ ।
यसअघि ८ भदौमा एक्सएल अन्डाको मूल्य प्रतिक्रेट पाँच रुपैयाँ, ठूलो र मध्यमको १० रुपैयाँले बढाएर एक्सएल अन्डा प्रतिक्रेट (३० वटाको) पाँच सय पाँच रुपयैँ कायम गरिको थियो । यस्तै ठूलो अन्डा ४ सय ९५ रुपैयाँ र मध्यम अन्डाको मूल्य ४ सय २५ रुपैयाँ तोकिएको हो ।
यता काठमाडौँ स्थित सेसमती बस्दै आएका उदय भण्डारीले लेयर्स कुखुरापालक संघलाई अण्डाको मूल्य घटाउन आग्रह गरेका छन् । उनले हालको अण्डा आम सर्बसाधारणले उपभोग गर्न नसकेको भन्दै मूल्य घटाउन मााग गरेका हुन् । भण्डारीले अण्डाको मूल्य घटाउन कम्पनीले अटेर गरेमा उपभोक्ताको समूह बनाएर सशक्त आन्दोलनमा जाने बतााएका छन् ।
वि.सं.२०८१ भदौ १३ बिहीवार १५:४१ मा प्रकाशित
