हामी सबैकाे संसारन्यूज

काठमाडौँ । स्वास्थ्य बीमा बोर्डका अध्यक्ष डा. गुणराज लोहनीले राजीनामा दिएका छन् । डा. लोहनीले स्वास्थ्य तथा जनसंख्यामन्त्री प्रदीप पौडेल समक्ष राजीनामा पत्र बुझाएका हुन् ।

स्रोतका अनुसार लोहनीले शुक्रबार दिउँसो राजीनामा पत्र दिएका थिए । उनी राजनामा दिन मन्त्रालयमा जाँदा मन्त्रीलाई नभेटेपछि सचिवालयमा पत्र छोडेर गएको स्रोतको भनाई छ ।

वि.स २०८० मंसिर १३ गते तत्कालीन पुष्पकमल दाहाल नेतृत्वको सरकारले उनलाई बोर्डको अध्यक्षमा नियुक्त गरेको थियो । स्वास्थ्य बीमा बोर्डले अस्पतालको प्रिमियम वापतको तिर्ने पैसा नभएको भन्दै सरकारसँग यस आर्थिक वर्षको एकमुष्ट अनुदान माग गरेको थियो ।

सो विषयमा मन्त्री र मन्त्रालय सकारात्मक नभएपछि उनले राजीनामा दिएको निकट स्रोतले जनाएको छ ।