काठमाडौं । पाँच दिनअघि ‘मिस्टर काठमाडौं’को उपाधि जितेका प्रकाश राईको हृदयघातका कारण मृत्यु भएको छ ।
४५ वर्षीय राईलाई बुधबार बिहानै हृदयघात भएपछि ग्रान्डी पु¥याइएको थियो । मोरङको बेलबारी घर भएका राईले ७५ केजी माथिको तौल समूहमा प्रतिस्पर्धा गर्दै पछि ओभरल भिडन्तमा मिस्टर काठमाडौं जितेका थिए ।
राई टीम म्यानेजरसहित होटलमा बस्दै आएका थिए । ‘टीम म्यानेजरले पानी खाउँ दाइ ? भन्दा खाउँ भनेपछि पानी तताउन लाग्दा प्रकाश कोल्टे परेको देखेर सीपीआर दिएका रहेछन् । तत्कालै अस्पताल पु¥याइएको छ’, मिस्टर काठमाडौं आयोजक काठमाडौं जिल्ला बडि बिल्डिङ संघका अध्यक्ष सुरेश सुवेदीले जानकारी दिए । राईका आफन्त मोरङबाट काठमाडौं आइपुगेका छन् ।
वि.सं.२०८१ असोज २ बुधवार १३:३६ मा प्रकाशित
