Sansar News
अखिल नेपाल महिला संघ (क्रान्तिकारी) काठमाडौ महानगर समितिको दोस्रो भेला सम्पन्न भएको छ । कल्पना महर्जनको अध्यक्षतामा सम्पन्न सो भेलाले मुना न्यौपानेको नेतृत्वमा ३९ सदस्यीय समिति चयन गरेको छ ।
कार्यसमितिको उपाध्यक्षमा शुसिला प्रजापति र मिनु मानन्धर, सचिवमा सुनिता महर्जन, सहसचिवमा निर्मला डंगोल, कोषाध्यक्षमा लक्ष्मी बानिया कार्की लगायत रहेका छन् ।
संघीय सांसद बिमला सुवेदीको प्रमुख आतिथ्यतामा सम्पन्न सो भेलामा नेकपा (माओवादी केन्द्र)का केन्द्रीय सदस्य तथा काठमाडौँ महानगर समितिका इन्चार्ज मुक्ति प्रधान, केन्द्रीय सदस्य तथा सरीता महर्जन, केन्द्रीय सदस्य सुसिला पौडेल, केन्द्रीय सदस्य सुनिता गौतम, केन्द्रीय निर्वाचन आयोगकी सदस्य मीना शर्मा लगायतले भेलालाई सम्बोधन गरेका थिए ।
वक्ताहरुले अनेमसंघ(क्रान्तिकारी) को गौरवसाली इतिहासको संस्मरण गर्दै महिला संगठनको पूर्ववत जागरुकता कायम गर्दै संगठनलाई चुस्त बनाएर अघि बढ्नु पर्ने सुझाव दिएका थिए ।
वि.सं.२०८१ असोज ३ बिहीवार २०:३४ मा प्रकाशित
