काठमाडौं । प्रधानमन्त्री केपी शर्मा ओली र भारतीय समकक्षी नरेन्द्र मोदीबीच भेटवार्ता हुने भएको छ । संयुक्त राष्ट्रसंघको ७९औँ महासभामा सहभागी हुन न्युयोर्क पुगेका प्रधानमन्त्री ओली र भारतीय समकक्षी मोदीबीच आजसाँझ भेटवार्ता हुने भएको हो ।
प्रधानमन्त्रीको निजी सचिवालयका अनुसार नेपाली पक्षको लामो प्रयास र गृहकार्यपछि ओली र मोदीबीच आधा घण्टा होटेल लोटे न्युयोर्क प्यालेसमा ‘साइडलाइन’ भेटवार्ता हुने तय भएको जनाएको छ ।
ओली प्रधानमन्त्री नियुक्त भएपछि उनीहरुबीच पहिलोपटक भेटवार्ता हुन लागेको हो । प्रधानमन्त्री ओलीको भारतसँग सम्बन्ध तिक्त रहेको चर्चा थियो ।
वि.सं.२०८१ असोज ६ आइतवार ११:३४ मा प्रकाशित
