Sansar News
जेनेभा । लोकतान्त्रिक गणतन्त्र कङ्गोका करिब दश लाख मानिस यस वर्ष आफ्नो घरबाट विस्थापित भएका संयुक्त राष्ट्रसङ्घका मानवअधिकार प्रमुख भोल्कर टर्कले मङ्गलबार बताएका छन् ।
अप्रिलमा कङ्गोको भ्रमण गर्नुभएको टर्कले संयुक्त राष्ट्र मानवअधिकार परिषद्लाई मध्यअफ्रिकी देश बढ्दो हिंसा, शोषणकारी नियम र कानुनको कमजोर शासनजस्ता समस्याबाट ग्रसित भएको जानकारी दिएका थिए ।
उनले कङ्गोमा मानव अधिकार उल्लङ्घनका पीडितको सङ्ख्या बढ्दै गएको जसमध्ये ८५ प्रतिशत दुर्व्यवहार द्वन्द्व प्रभावित पूर्वी क्षेत्रमा रहेको बताएका थिए । त्यसैगरी उनले विभीन्न सशस्त्र समुहलाई बढ्दो दुर्व्यवहारको लागि दोषी ठहराएका छन् ।
“सशस्त्र समुहले अपहरण गर्ने, बन्दी बनाउँने र महिला एवं युवतीलाई यौन दासत्वको अधीनमा राख्ने गरेका छन् । धेरैको बलात्कारपछि हत्या गरिएको छ । सबै मामिला निश्चितरूपमा रिपोर्ट गरिँदैनन् । यो अत्याचार हो”, टुर्कले बताए ।
“मानवीय स्रोतका अनुसार यस वर्ष नौ लाख ४० हजारभन्दा बढी मानिस आन्तरिकरूपमा विस्थापित भएका छन्, आन्तरिकरूपमा विस्थापित मानिसको कूल सङ्ख्या ६४ लाखभन्दा बढी पुगेको छ”, उनले भने । एएफपी
वि.सं.२०८१ असोज २३ बुधवार १०:२८ मा प्रकाशित
