हामी सबैकाे संसारन्यूज

इस्तानबुल । लेबनान र गाजामा इजरायलले गरेको आक्रमणले इरानलाई ‘कानुनी कदम’ चाल्न प्रेरित गरिरहेको टर्कीका विदेशमन्त्रीले शनिबार इस्तानबुलमा आफ्ना इरानी समकक्षीसँगको संयुक्त पत्रकार सम्मेलनमा बताएका छन् ।

“इजरायलको आक्रामक अडानले इरानलाई कानुनी कदम चाल्न बाध्य पारिरहेको छ,” टर्कीका हाकान फिदानले इरानी विदेशमन्त्री अब्बास अरागचीसँग भने ।

इजरायली प्रधानमन्त्री बेन्जामिन नेतन्याहूले यस क्षेत्रमा निरन्तर नयाँ मोर्चा खोलिरहेको र इरानलाई यस युद्धमा तान्ने प्रयास गरिरहेको उनले बताए ।

उनले भने “युद्ध पूरै क्षेत्रमा फैलिने खतरालाई कम आँक्नु हुँदैन ।”

शुक्रबार इस्तानबुलमा पूर्वी यूरोप र पश्चिमी एशियाली क्षेत्रका मुलुकहरूको एक बैठकमा भाग लिएका अरागचीले लेबनानमा बढ्दो तनाव ‘निकै चिन्ताको’ बिषय भएको बताएका थिए ।

उनले भने, “यस क्षेत्रमा युद्धको सम्भावना जहिले पनि गम्भीर हुन्छ, र यहूदी शासकबाहेक अरू कोही पनि त्यस्तो नहोस् भन्ने चाहन्छन्। हामी तनाव कम गर्न चाहन्छौं, तर यसको अर्थ हामी जस्तोसुकै परिस्थितिका लागि पनि तयार छौं भन्ने पनि हो।”

इरानले गाजामा हमास र लेबनानमा हिजबुल्लाहजस्ता इस्लामी समूहलाई समर्थन गर्दै आएको छ, यी सशस्त्र लडाकू समूहका शीर्ष नेताहरूलाई इजरायलले मध्यपूर्वको बढ्दो सङ्कटमा मारेको छ।

इरानले यमनमा हुथी विद्रोही, इराकमा शिया मिलिसिया र सिरियाको सशस्त्र बललाई पनि समर्थन गर्दै आएको छ । तेहरानले सामूहिक रूपमा उनीहरूका आक्रमण र मिलिशियाहरूलाई इजरायलविरुद्ध ‘प्रतिरोधको चुली’ भनेको छ।

गत सेप्टेम्बर २७ मा बेरुतमा हिजबुल्लाहका प्रमुख हसन नसरल्लाहको हत्या र जुलाई ३१ मा तेहरानमा हमासका नेता इस्माइल हनियाहको हत्याको बदलामा इरानले करिब २०० क्षेप्यास्त्र प्रहार गरेको थियो ।

सन् २०२३ को अक्टोबर ७ मा भएको आक्रमणका मुख्य योजनाकार हमासका नेता याह्या सिनवारको बुधबार इजरायली आक्रमणमा मृत्यु भएको थियो ।

इरानको रिभोल्युसनरी गार्ड्सले इजरायलले इरानी लक्षमा आक्रमण गरेमा इजरायलको बिरूद्ध ‘कडा’ प्रहार गर्ने चेतावनी दिएको छ ।एएफपी