Sansar News
काठमाडौँ । राष्ट्रिय प्रजातन्त्र पार्टी (राप्रपा)ले पूर्वअध्यक्ष डा. प्रकाशचन्द्र लोहनीले प्रधानमन्त्री केपी शर्माको आजदेखि हुने चीन भ्रमण पर्यटक भ्रमणमा मात्र सिमित हुने बताएका छन् ।
८९ जनाको जम्बो टोलिसहित चीन भ्रमणमा जान लागेका प्रधानमन्त्री ओलिले जाने अघिल्लो दिनसम्म पनि सत्तारुढ दलभित्र चीनसँगको सम्बन्धसँग जोडिएका कार्यनीतिक र रणनीतिक कुनै पनि कुरामा विश्वास र सहमति हुन नसकको भन्दै डा लोहनीले यो भ्रमण पर्यटक भ्रमणमा मात्र सिमित हुने बताएका हुन् ।
प्रधानमन्त्रीको भ्रणण बारे सामाजिक सञ्जालमार्फत टिप्पणी गर्दै उनले भनेका छन् ‘थुप्रै ब्यापारीहरुले सुबिधामुलक पर्यटक भ्रमण गर्ने भए मूल सफलता यहि हुने जस्तो दखिएको छ ।’
उनले लेखेका छन् :-
१) प्रधानमन्त्रीजीको चीन भ्रमणको सदस्यहरुको संख्या ८९ पुग्यो र १ ठुलो मान्छे को ठुलो अहमलाई ठुलो भ्रमण टोलिले सन्तोष देला तर यथार्थमा यो पर्यटक भ्रमणमा सिमित हुने सम्भाबना बढेको छ ।
२) जाने अघिल्लो दिन सम्म सरकार मा रहेका दुइ ठुला दल बीच चिनसँगको सम्बन्धसँग जोडिएका कार्यनीतिक र रणनितिक कुनै पनि कुरामा बिस्वास र सहमति छैन । जेहोस् हिमालय हवाई कम्पनिले बायु सेवा निगमलाई जितेर केहि व्यापार पायो । थुप्रै ब्यापारीहरुले सुबिधामुलक पर्यटक भ्रमण गर्ने भए मूल सफलता यहि हुने जस्तो दखिएको छ ।
वि.सं.२०८१ मंसिर १५ शनिवार ०९:३६ मा प्रकाशित
