हामी सबैकाे संसारन्यूज

नेकपा(माओवादी केन्द्र) को पौष २१ गते देखि हुने आसन्न केन्द्रीय समितिको बैठकमा ध्यानाकर्षण होस् भन्दै सुझाव सार्वजनिक गरिएको छ ।

लामो समय देखि माओवादी आन्दोलनमा साथ दिँदै आएका र व्यवशायिक कृषिमा जोडिदै आएका कृष्ण बन्जाडेले १८ बुँदे सुझाव सार्वजनिक गरेका हुन् । उनले कृषि सम्बन्धि निम्नानुसारको नितीगत निर्णय गरि कार्यन्वयनमा जाओस भन्ने अपेक्षा गरेका छन् ।

उनको सुझाव यस प्रकार रहेको छ :-
१.नेपालको जमिन तीन खण्डमा छुट्याउने
क कृषियोग्य जमिन,
ख ओैधोगिक क्षेत्र,
ग आवास क्षेत्र ।
२. हजारौं हजार बाझो जमिन लिजमा सरकारले लिएर कृषि उधमिलाइ जिम्मा दिने ।
३ .कृषि उधोगसंग जल,जमिन र जंगल जोडने ।
४. एग्रो टुरिज्मको विकास गर्ने ।
५. कृषि उधोगिलाइ कृषि श्रमिक, मल, बीउ, सिंचाइ, विषादी, प्राविधिक, मेशिनरी ओैजार तथा क्षेत्रफल र उत्पादनका आधारमा अनुदान नगदमा नभइ जिन्सिमा उपलब्ध गराउने तथा कृषि उत्पादनका लागि पुर्णरुपमा मेकानाइज गर्ने ।
६. मध्यपहाडी क्षेत्रमा मुख्यतयाः कोदो, फापर, मकै, घैया धान, रैथाने धान उत्पादन, तरकारी र फलफूल, बाख्र, गाई भैंसी पालन, टारमा एकीकृत बस्ती विकास परियोजना संचालन गरि पहाडी बसाइँसराइँ न्युनिकरण तथा रोजगारी सृजना गर्ने ।
७. पहाडी खोलानालाहरुमा बाध, ब्रेकर तथा पुनरभरण पोखरी Recharge pond निर्माण गरि जलको उचित ब्यबस्थापन गर्ने ।
८. पशुपालनका लागि घाँस तथा दानाका लागि दाना उत्पादनबाट बृहतरुपमा पशुपालन गर्ने ।
९. कृषकको उत्पादन पुर्णरुपमा राज्यले खरिद गर्नुपर्ने ।
१०. तराई क्षेत्र झापा–कंचनपुर सम्म पशुपलनमा भैंसी र गाईपालनको जोन बनाउने ।
११. स्कुल, सार्वजनिक, निजी, नदि उकाश जमिनलाई पुर्णरुपमा राज्य मार्फत संचालनमा ल्याउने ।
१२ .उत्पादन ब्रिगेड निर्माण गरि पार्टी केन्द्रको कमान्डमा विभिन्न उत्पादन आर्क निर्माण गरि ठुला ठुला कृषि फर्म संचालन गर्ने र सम्पूर्ण पर्टी पंक्ति उत्पादनमा लाग्ने ।
१३. घाइते अपांग, वेपत्ता, सहिद परिवारलाई अनिवार्य कृषि उत्पादनमा जोडेर रोजगार मुलक बनाउने ।
१४ कृषि फर्म संचालनका लागि सबै पार्टी सदस्यले रु.१०००।- शेयर अनिवार्य गरि काम अगाडि बढाउने ।
१५. सामुदायिक, निजी विधालयका विधार्थिलाइ सिफ्टको आधारमा उत्पादन र उत्पादन सम्बन्धसँग जोडने सम्बन्धित पालिकामा नितीगत निर्णय गराइ अनिवार्य गराउने ।
१६.देशको सम्पूर्ण क्षेत्रको DPR-detail project report तयार गरि कृषि परियोजना संचालन गर्ने र प्रत्येक पार्टी सदस्य उत्पादनमा जोडिनु पर्ने ।
१७ तराईमा धान, गहु, तोरि, दलहन, फलफूल, तरकारी, कम्पोष्ट मल उत्पादन गरि आत्मनिर्भर राज्य निर्माण गर्ने ।
१८. भारत र चिनका कृषि फर्म र कृषि विश्वविधालयहरुसंग भगीनि सम्बन्ध कायम गरि प्रविधि, सीप, ज्ञान र अध्ययनको आदानप्रदान गरि समृद्ध कृषि बनाउने ।

यसरी सानो सुझाव तथा धारणा पेश गरेको छु । देशका विज्ञ टिम निर्माण गर्ने तर्फ पार्टी केन्द्रको विशेष ध्यान पुगोस । कुनै पनि देश समृद्ध बन्न राजनीति नेतृत्वको तिब्र इच्छाशक्ति र दृढ संकल्प विना सम्भव छैन । अर्को कुरा कुनैपनि देशमा Science & technology का Re–search Center स्थापना नगरि देश समृद्ध हुन सक्दैन यसमा विशेष ध्यान जाओस् । यो केन्द्रीय समितिको बैठक दिर्घकालिन योजना सहित समृद्ध नेपाल बनाउने नितीगत निर्णय गरोस जुन ब्यबहारमा लागू गर्न सकियोस् । कार्य विभाजनमा पनि उत्पादन र विकास योजना भएको कमरेडलाई जिम्मेवारी दिइयोस् । चिनियाँ कम्युनिस्ट पार्टी जस्तो सात आठ जनाको मात्र स्थायी कमिटी बनाउने दिशा तर्फ उद्दत होस । प्रत्येक केन्द्रीय सदस्यले एउटा उत्पादन ब्रिगेडको जिम्मेवारी लियोस । यसैमा महान सहिदहरुप्रति सम्मान रहनेछ र जनताको सपना पूरा हुनेछ ।