हामी सबैकाे संसारन्यूज

काठमाडौँ । विपक्षी दलहरूले कार्यदल गठन गरेका छन् । बुधबार बिहान प्रमुख प्रतिपक्षी नेकपा माओवादी केन्द्रको आह्वानमा सिंहदरबारमा बसेको विपक्षी दलहरूको बैठकले दुई सदस्यीय कार्यदल गठन गरेको हो ।

समसामयिक विषयमा विपक्षी दलहरूको लिखित साझा धारणा तयार पार्न उक्त कार्यदल बनाइएको एक नेताले बताए । कार्यदलमा माओवादी केन्द्रको तर्फबाट वर्षमान पुन र नेकपा एकीकृत समाजवादीको तर्फबाट वेदुराम भुसाल छन् । सरकार स्वेच्छाचारी भएको निष्कर्ष निकालेको बैठकले त्यसको डटेर प्रतिवाद गर्ने निर्णय गरेको छ ।

त्यसबारे धारणा सार्वजनिक गर्न उनीहरूले विहीवार पत्रकार सम्मेलन गर्ने भएका छन् । पत्रकार सम्मेलनमा जानुअघि विपक्षी दलहरूको लिखित साझा धारणा तयार पार्न उक्त कार्यदल बनाइएको एक नेताले जनाए । बैठकमा नेकपा माओवादी केन्द्र, रास्वपा, राप्रपा, नेकपा एस, नेसपा, आजपा लगायतका पार्टी सहभागी थिए ।