हामी सबैकाे संसारन्यूज

काठमाडौँ । काठमाडौंको काँडाघारीबाट प्रहरीले रक्तचन्दनसहित दुई जनालाई पक्राउ गरेको छ । उपत्यका अपराधन अनुसन्धान कार्यालयको टोलीले बोरामा राखिएको रक्तचन्दनसहित दुई जनालाई पक्राउ गरेको हो ।

पक्राउ परेकाहरुको नाम सार्वजनिक भएको छैन भने रक्तचन्दनको परिमाण पनि खुलाइसकेको छैन । बोरा–बोरामा प्याक गरेर राखिएकाले त्यसको तौल लिएर मात्रै परिमाण सार्वजनिक गर्ने प्रहरीले जनाएको छ ।

रक्तचन्दन तस्करीमा संलग्न आरोपीहरु सिन्धुपाल्चोकको भएको बताइएको छ । उक्त रक्तचन्दनको परिणामा चार क्वीन्टलभन्दा बढी रहेको प्रहरी स्रोतले जनाएको छ । बोरामा प्याक गरेको अवस्थामा बरामद रक्तचन्दन जोख्खा ४ सय ६२ किलो भएको प्रहरीले जनाएको छ । यसबारे विस्तृत विवरण आउन बाँकी छ ।