Sansar News
स्याङ्जा । स्याङ्जामा रुखबाट लडेर एक महिलाको मृत्यु भएको छ । जिल्लाको गल्याङ नगरपालिका २ घ्याङ्सिंङडाँडा बस्ने बर्ष ६१ की पोविसरा थापाको रुखबाट लडेर मृत्यु भएको जिल्ला प्रहरी कार्यालय स्याङ्जाले जनाएको छ ।
प्रहरीका अनुसार विहीबार दिउँसाे १२ बजे उनी आफ्नै बारीमा रहेको गिधरीको रूखमा घाँस काट्ने क्रममा अचानक रूखबाट खसी गम्भीर घाईते भएकी थिइन् ।
उनलाई उपचार गर्न गल्याङ नगर अस्पताल लगिएकोमा दिउँसो १ः१० बजे डाक्टरले मृत घोषणा गरेका थिए । घटनाको सन्दर्भमाा थप अनुसन्धान कार्य भई रहेको प्रहरीको भनाई छ ।
वि.सं.२०८१ माघ ४ शुक्रवार १४:०४ मा प्रकाशित
