back

एउटै पालिकाबाट रू छ करोडको अदुवा बिक्री

वि.सं.२०८१ माघ ८ मंगलवार

261 

shares
GLOBAL IME AD
NTC AD

त्रिवेणी (रूकुम पश्चिम) । रूकुम–पश्चिमको त्रिवेणी गाउँपालिकामा यस वर्ष अदुुवा उत्पादन वृद्धि भएसँगै मूल्य पनि बढेको छ । गत वर्षभन्दा यस वर्ष अदुवाखेती गर्ने किसानको सङ्ख्या घटे पनि उत्पादन वृद्धि भएको हो ।

यस वर्ष यहाँबाट करिब रू छ करोडको अदुवा बिक्री भएको त्रिवेणी गाउँपालिकाका कृषि शाखा प्रमुख रमेश पुनले जानकारी दिए । उनका अनुसार अदुवा बिक्रीबाट किसानले रू पाँच करोड ९२ लाख आम्दानी गरेका छन् । दश वटा वडा रहेको त्रिवेणीमा एक हजार नौ सय ५० परिवारले अदुवाखेती गर्दै आएका छन् ।

प्रत्येक किसानले दुई रोपनीभन्दा बढी जग्गामा अदुवाखेती गर्दै आएका पुनले बताए । पालिकाभर हाल एक सय ९५ हेक्टर जग्गामा अदुवा उत्पादन भइरहेको उनले जानकारी दिए ।

कृषि शाखा प्रमुख पुनका अनुसार एक रोपनी क्षेत्रफलमा चार क्विन्टलभन्दा बढी अदुवा उत्पादन हुने गरेको छ । पालिकाभर यस वर्ष १५ हजार छ सय क्विन्टल अर्थात् १५ दशमलव छ मेट्रिकटन अदुवा उत्पादन भएको छ । किसानले प्रतिक्विन्टल रू तीन हजार आठ सयभन्दा बढी मूल्यमा अदुवा बिक्री गरेका उनले उल्लेख गरे ।

गत आर्थिक वर्षमा पालिकामा दुुई हजार छ सय परिवारले अदुवाखेती गर्दै आएकामा यस वर्ष उक्त सङ्ख्या छ सय ५० ले घटेरको प्रमुख पुनले बताए । व्यापारी गाउँमा पुगेर अदुवा खरिद गर्ने गरेकाले बजारको समस्या नरहेको गाउँपालिकाको कृषि शाखाले जनाएको छ ।

व्यावसायिक रूपमा अदुवाखेती गर्दै आउनुभएका त्रिवेणी–४ खुम्चेरीका नरबहादुर खड्काले यस वर्ष अदुवा बिक्रीबाट रू एक लाख आम्दानी गरेको बताए । बीस वर्षदेखि अदुवाखेतीमा लागेका उनले निरन्तर खेती गर्दा मौसममा रू दुई लाखसम्म आम्दानी हुने जानकारी दिए ।

त्रिवेणी–६ बाँठाकोटका कृषक कमलप्रसाद घर्तीले यस वर्ष अदुवा उत्पादन र मूल्य दुवै राम्रो पाएको बताए । अदुवा गाउँबाटै प्रतिक्विन्टल रू पाँच हजार र बीउका लागि प्रयोग हुने अदुवा प्रतिक्विन्टल रू १२ हजारसम्ममा बिक्री हुने गरेको जानकारी दिए ।

“पहिले एक क्विन्टल अदुवाबाट पाँच क्विन्टलसम्म उत्पादन हुन्थ्यो, अहिले उत्पदान घटेर तीन क्विन्टलसम्म हुन्छ । मौसममा आएको परिवर्तन, मल अभावलगायत कारणले उत्पादन घटेको हुनसक्छ”, उनले भने । घर्तीले अदुवाका साथै सुन्तला र किभीको पनि खेती गर्दै आएका छन् ।रासस /फाइल फोटो

वि.सं.२०८१ माघ ८ मंगलवार ०७:३८ मा प्रकाशित

आठ करोड बढी खर्चेर बनाइयो पालिकाको पक्की भवन निर्माण

आठ करोड बढी खर्चेर बनाइयो पालिकाको पक्की भवन निर्माण

त्रिवेणी (रुकुमपश्चिम) । आठ करोड ६९ लाख १८ हजार ११९...

चिसापानी-गड्डाचौकी सडकखण्ड छ लेनको बन्छ : परराष्ट्रमन्त्री देउवा

चिसापानी-गड्डाचौकी सडकखण्ड छ लेनको बन्छ : परराष्ट्रमन्त्री देउवा

लम्की (कैलाली) । परराष्ट्रमन्त्री आरजु राणा देउवाले पूर्वपश्चिम महेन्द्र राजमार्गको...

सुन्तला बिक्रीबाट २२ करोड बढी आम्दानी

सुन्तला बिक्रीबाट २२ करोड बढी आम्दानी

काँक्रेविहार (सुर्खेत) । जाजरकोटमा उत्पादित सुन्तला बिक्रीबाट यो वर्ष किसानले...

आगलागी हुँदा दुई लाख ५० हजार बराबरको क्षति

आगलागी हुँदा दुई लाख ५० हजार बराबरको क्षति

दिपायल (डोटी) । जिल्लाको केआइसिंह गाउँपालिकामा आगलागी हुँदा एक घर...

घरको छानामा जस्तापाता राख्न विपन्न परिवारलाई रकम उपलब्ध गराउँदै नगरपालिका

घरको छानामा जस्तापाता राख्न विपन्न परिवारलाई रकम उपलब्ध गराउँदै नगरपालिका

  कञ्चनपुर । अति विपन्न परिवारको घरको छानामा जस्तापाता राख्नका...

चरा अवलोकन गर्नेको गन्तव्यका रुपमा विकसित हुँदै पुरैनी ताल

चरा अवलोकन गर्नेको गन्तव्यका रुपमा विकसित हुँदै पुरैनी ताल

कञ्चनपुर । बेलौरी नगरपालिका-६ भुराकोटस्थित पुरैनी ताल चरा अवलोकन गर्नेको...