Sansar News
काठमाडौँ । नेपाली काँग्रेसले नेकपा (एकीकृत समाजवादी)लाई मनाएर राष्ट्रियसभाबाट अध्यादेश स्वीकृत गराउन पहल गर्ने निर्णय गरेको छ ।
शुक्रवार नेता कृष्णप्रसाद सिटौलाको पहलमा सभापति सभापति शेरबहादुर देउवा निवास बुढानीलकण्ठमा भएको छलफलले राष्ट्रियसभाबाट अध्यादेश स्वीकृत गराउन एकीकृत समाजवादीसँग सहयोग माग्ने निर्णय गरेको एक नेताले जानकारी दिए ।
जनता समाजवादी पार्टी (जसपा )नेपाल र लोकतान्त्रिक समाजवादी पार्टी (लोसपा) नेपालले सरकारले ल्याएका अध्यादेश अस्वीकार गर्ने निर्णयपछि देखिएको समस्या समाधानबारे काँग्रेसका संस्थापन पक्षीय नेताहरूबिच छलफल भएको हो ।
यी दुई दलबिना राष्ट्रियसभामा अध्यादेश निर्माणार्थ प्रस्तुत हुँदा स्वीकृत हुने सम्भावना नभएपछि काँग्रेसका राष्ट्रियसभा संसदीय दलका नेता सिटौलाको पहलमा संस्थापन पक्षीय नेताहरूले विकल्प खोजेर समस्या समाधानबारे कुराकानी गरेका हुन् ।
वि.सं.२०८१ फागुन २ शुक्रवार १५:५२ मा प्रकाशित
