हामी सबैकाे संसारन्यूज

काठमाडौँ । कृषि विकास बैङ्क लिमिटेड बैङ्क सञ्चालक समितिको सञ्चालक सदस्यमा सेवन्तक पोखरेल मनोनयन भएका छन् । उनी नेपाल सरकार उप–प्रधान तथा अर्थ मन्त्रीस्तर)को निर्णयअनुसार सञ्चालक समितिको सञ्चालक सदस्यमा मनोनयन भएका हुन् ।

नवनियुक्त सञ्चालक सदस्य सरकारी सेवाको लामो अनुभव सँगाली हाल अर्थ मन्त्रालयको वित्तीय क्षेत्र व्यवस्थापन तथा संस्थान समन्वय महाशाखाको सहसचिव पदमा कार्यरत छन् ।

बैङ्क तथा वित्तीय संस्था सम्बन्धी ऐन अनुसार नवनियुक्त सञ्चालक सदस्य पोखरेललाई बैङ्क सञ्चालक समितिका अध्यक्ष रामशरण पुडासैनीले शपथ ग्रहण गराएका थिए ।

उक्त अवसरमा कृषि विकास बैङ्क लि.का सञ्चालक सदस्यहरू डा.हरि बहादुर के.सी, गोविन्द प्रसाद भट्टराई, सञ्जीव पौडेल, विनोद कुमार गुरागाईँ, रित्ता सुवेदी कृषि विकास बैङ्क लि.का प्रमुख कार्यकारी अधिकृत गोविन्द गुरुङ, बैङ्कका कम्पनी सचिव हिमलाल पौडेलसमेतको उपस्थिति थियो ।