हामी सबैकाे संसारन्यूज

काठमाडौँ । राष्ट्रिय प्रजातन्त्र पार्टीका अध्यक्ष राजेन्द्र लिङ्देनले प्रधानमन्त्री केपी शर्मा ओलीलाई सुध्रिनका लागि चेतावनी दिएको छ । बल्खुमा आयोजना गरेको बृहत् खबरदारी सभालाई सम्बोधन गर्दै लिङ्देनले नसुध्रिने हो भने बालुवाटार घेरेर भातपानी बन्द गरिदिने चेतावनी दिएका हुन् ।

‘भृकुटीमण्डमा आमसभा गर्न दिँदाखेरी ढल्ने तिम्रो गणतन्त्र, कस्तो गणतन्त्र ? र कति कमजोर गणतन्त्र यो संसारले देखोस् भनेर त्यहाँ हामीले कुनै लफडा नगरेको हो,’ उनले भने, ’हामीले आह्वान गरेर चारतिरबाट जुलुस निकाल्यौँ भने कसलाई छेक्छौ ? कसलाई गोली हान्छौ ? मैले फेरि पनि भन्छु–नसुध्रिने हो भने, हामी विद्रोहमा जान्छौँ, हामी पनि गोली चलाउँछौँ त भन्दिनँ, तर, बालुवाटारलाई घेरेर भात पानी बन्द गर्दिन सक्छौँ ।

उनले राप्रपालाई कमजोर नठान्न पनि चेतावनी दिए । सरकार आत्तिएर आफूहरूलाई भृकुटीमण्डमा कार्यक्रम गर्न नदिएको उनको भनाइ छ ।