Sansar News
काठमाडौं । नेपाली बजारमा सुनको मूल्य बढेको छ । सुनको मूल्य प्रतितोला अघिल्लो दिनको तुलनामा पाँच हजार सात सय रुपैयाँले बढेको हो ।
नेपाल सुनचाँदी व्यवसायी महासङ्घका अनुसार बुधबार प्रतितोला एक लाख ७५ हजार चार सय रुपैयाँमा कारोबार भएको सुनको मूल्य बिहीबार प्रतितोला एक लाख ८१ हजार एक सय रुपैयाँ कायम भएको छ । यो हालसम्मकै उच्च मूल्य हो ।
त्यस्तै चाँदीको मूल्य पनि बढेको छ । बुधबार प्रतितोला एक हजार आठ सय ३५ रुपैयाँ रहेको चाँदीको मूल्य आज प्रतितोला एक हजार नौ सय रुपैयाँ पुगेको छ ।
वि.सं.२०८१ चैत २८ बिहीवार ११:२१ मा प्रकाशित
