Sansar News
काठमाडौँ । चीनमा मानिस र रोबोटबिच हाफ म्याराथन दौड भएको छ । चीनको राजधानी बेइजिङमा विश्वकै पहिला रोबोट हाफ म्याराथन आयोजना गरिएको हो ।
रोबोटहरू २१ किलोमिटर दौडिएका छन् । केही रोबोटहरू मानिसहरू जस्तै थकित भएको पाइएको छ । केही रोबोटहरूले जुत्ता समेत लगाएका थिए ।
प्रत्येक रोबोटको पछाडि विज्ञहरूको टोली खटाइएको थियो । दौडमा तीन पटक रोबोटहरुको ब्याट्री बदलिएको थियो ।
बेइजिङ ह्युमनोइड रोबोट इनोभेसन सेन्टरद्वारा विकसित टिएन कुङ अल्ट्रा रोबोटले २ घण्टा ४० मिनेटमा अन्तिम रेखा पार गरेको थियो ।
नोएटिक्सको एन२ दोस्रो स्थानमा आयो । ड्रॉइडअपको रोबोटले तेस्रो स्थान हासिल गरेको छ । ६ ह्युमनोइड रोबोटहरूले दौड पूरा गरेका छन् । एजेन्सी
वि.सं.२०८२ वैशाख २१ आइतवार १७:१९ मा प्रकाशित
