हामी सबैकाे संसारन्यूज

पर्वत । राष्ट्रिय युवा संघ नेपालको अधिवेशनलाई लिएर नेकपा एमाले पार्टी कार्यालय पर्वतमा भएको झडपमा परी घाइते भएका एमाले पर्वतका अध्यक्ष गोविन्द पहाडी अस्पताल भर्ना भएका छ्न ।

उनको अहिले प्रदेश अस्पताल पर्वतमा उपचार भइरहेको छ । पहाडीको छाती र टाउको दायाँ भागमा समस्या देखिएकोले उपचारका लागि अस्पताल भर्ना गरिएको सचिव सुवासचन्द्र पौडेलले जानकारी दिए ।

झडपलाई छुट्यान खोज्दा उनी माथी नै मुक्का प्रहार भएको बताइएको छ । आज पर्वत एमालेमा राष्ट्रिय युवा संघ नेपाल पर्वतको ९ औं अधिवेशनलाई लिएर विवाद हुँदा दुई समुह बीच झडप भएको थियो ।

यसअघि अधिवेशनको विषयलाई लिएर भएकाो झडपमा एमाले गण्डकी प्रदेशका सदस्य एवं युवा संघका नेता अर्जुन पौडेलको टाउको फुटेको भन्दै अस्पतालमा भर्ना भएका छन् ।

अधिवेशन आज गर्ने र नगर्ने भन्ने विषयमा दुई पक्षबिच विवाद चर्किँदै जाँदा झडप भएको बुझिएको छ । पूर्व मन्त्री पदम गिरी समूहले पौडेलको टाउको फुटाएकाो राष्ट्रिय सभाका पूर्व अध्यक्ष गणेशप्रसाद तिमिल्सिना समूहले आरोप लगाएको छ ।

गिरी पक्षले युवा संघको अध्यक्ष विनोद थापा भए पनि उपाध्यक्ष आशिष् श्रेष्ठको अध्यक्षता र उपसचिव ध्रुव श्रेष्ठको सञ्चालनमा उद्घाटन कार्यक्रम भएको थियो ।

तिमिल्सिना पक्षका युवाले अधिवेशन रोक्न माग गर्दै कार्यक्रम स्थलमा पुगेपछि दुई पक्षबिच हानाहान भएको स्रोतले बताएको छ ।