Sansar News
काठमाडौं । नुवाकोटको सूर्यगढी नगरपालिका–१ की २८ वर्षीया विमला तामाङको हत्या गरी फरार भएका धादिङका गल्छी गाउँपालिकाका ४० वर्षीय रामचन्द्र पन्त पक्राउ परेका छन् ।
गत चैत २९ गते काठमाडौं महानगरपालिका–२८ स्थित एक गेष्ट हाउसमा मृत फेला परेकी तामाङको हत्या गरी फरार भएका पन्त भारतबाट काठमाडौं फर्कंदै गर्दा काठमाडौंको नागढुङ्गाबाट पक्राउ परेका जिल्ला प्रहरी परिसर काठमाडौंले जनाएको छ ।
मङ्गलबार पक्राउ परेका हत्या आरोपी पन्तलाई प्रहरीले आज सार्वजनिक गरेको हो । प्रहरीले उनीमाथि थप अनुसन्धान गरिरहेको छ ।
वि.सं.२०८२ वैशाख ३१ बुधवार १४:४० मा प्रकाशित
