हामी सबैकाे संसारन्यूज

भूपाल अधिकारी,विराटनगर

होयर‌‌‌‌ वाज बुद्ध बर्न ? अर्थात ‘बुद्ध कहाँ जन्मिएका हुन् ?’ विद्यार्थीको जवाफ थियो,‘आउँदैन ।’

शिक्षकले दोस्रो प्रश्न अंग्रेजीमै सोधें ।
‘हु, बिल्ट धरहरा ?’ यसमा पनि विद्यार्थीको उस्तै जवाफ थियो ‘आउँदैन ।’

‘ह्वीच इज द वल्ड हाइयेस्ट माउन्टेन ?’, यसको जवाफ पनि ‘आउँदैन ।’ मा टुङ्ग्यायो ।

कक्षा दशको समिरलाई अङ्ग्रेजी विषयको मौखिक प्रश्न सोध्दा दिएको उत्तर हो यो। भोजपुरको कृष्ण मा।वी।मा अध्यापनरत शिक्षक हुन् गोपी सर।आफू कक्षा कोठामा बसी क्रमशः एक एक जना विद्यार्थी बोलाउँदै प्रश्न सोध्दै दिइएको उत्तरको आधारमा नम्बर दिँदै थिए। समिर कक्षामा सबैभन्दा ठूलो विद्यार्थी। सधैँ स्कुल नआउने, ‌निकै मन्द थियो पढाईमा ।

अब कति नम्बर दिने होला। केही आउँदैन त यो विद्यार्थीलाई।अलि सजिलो प्रश्न सोध्नु पर्यो भन्ने सोचेर फेरि प्रश्न सोध्न थाले तिनै सरले ।
‘ह्वाट इज योर नेम ?’ फेरि उत्तर आयो, ‘आउँदैन ।’

‘होयर डु यु लिभ ?’ यो पनि उसलाई जवाफ दिन नआएको हो कि अन्कनाएको हो ! यसमा पनि जवाफ दिन सकेन र, भन्यो,‘ूआउँदैन ।’
रिसले सरले भन्नुभयो, ‘गो ।’

विद्यार्थीले यसपल्ट सही जवाफ दिएछ , ‘जाँदिन ।’