Sansar News
काठमाडौं । आज मंगलबार नेपाली बजारमा सुनको मूल्य ह्वात्तै बढेको छ । आज सुनको मूल्य प्रतितोला दुई हजार नौ सय रुपैयाँले बढेको हो ।
नेपाल सुनचाँदी व्यवसायी महासङ्घका अनुसार आज छापावाल सुन प्रतितोला एक लाख ९२ हजार सात सय रुपैयाँमा कारोबार भइरहेको छ । सोमबार सुन प्रतितोला एक लाख ८९ हजार आठ सय रुपैयाँमा कारोबार भएको थियो ।
यस्तै, आज मंगलवार चाँदीको मूल्य पनि बढेको छ । महासङ्घका अनुसार आज चाँदी प्रतितोला दुई हजार ४५ रुपैयाँमा कारोबार भइरहेको छ । सोमबार चाँदी प्रतितोला एक हजार नौ सय ९० रुपैयाँमा कारोबार भएको थियो ।
वि.सं.२०८२ जेठ २० मंगलवार ११:२३ मा प्रकाशित
