Sansar News
स्याङ्जा । स्याङ्जामा अवैध रुपमा संकलन गरिएको जडिबुटीसहित तीन जना युवा प्रहरीको पनयन्त्रमा परेका छन् । पर्वत महाशिला गाउँपालिका ४ का ३५ वर्षीय पुनम गुरुङ, ३२ वर्षीय देवेन्द्र गुरुङ र २५ वर्षीय अमृत भन्ने जित बहादुर विकलाई स्याङ्जा प्रहरीले नियन्त्रण गरेको हो ।
जिल्ला प्रहरी कार्यालय स्याङ्जाका सूचना अधिकारी प्रहरी नायब उपरीक्षक प्रशन्न राज चौधरीका अनुसार स्याङ्जाको अर्जुनचौपारी गाउँपालिका ३ टाउँ घडेरी चुत्रेनी जङ्गलमा चुत्रो जातको जडिबुटी अवैध रुपमा संकलन गर्ने तीनजनालाई नियन्त्रणमा लिइएको हो ।
अवैध रुपमा जडिबुटी संकलन गरिरहेको भन्ने विशेष सूचनाका आधारमा प्रहरी चौकी अर्जुनचौपारी र अर्जुनचौपारी गाउँपालिकाको गाउँ प्रहरीको संयुक्त टोलीले बुधबार दिउँसो उनीहरूलाई नियन्त्रणमा लिएको हो ।
उनीहरूको साथबाट करिब पाँच सय केजी चुत्रो जातको जडिबुटी बरामद गरिएको र आवश्यक अनुसन्धान तथा कानुनी कारबाही अगाडि बढाइएको प्रहरीले जनाएको छ ।
वि.सं.२०८२ जेठ २२ बिहीवार १२:४८ मा प्रकाशित
