हामी सबैकाे संसारन्यूज

काठमाडौँ । नेपाली बीमा कम्पनीहरुको दायारा ३.८३ प्रतिशतले बढेको छ । आर्थिक मन्दी र विभिन्न समस्याका बाबजुदले बीमा कम्पनीहरुले यो सफलता हात पारेका हन् ।

नेपाल बीमा प्राधिकरणले सार्वजनिक गरेको चालु आर्थिक वर्षको बैशाख मसान्तसम्मको विवरण अनुुसार अहिले बीमाको दायरा ४७.३९ प्रतिशत जनसख्यामा पुगेको छ । समीक्षा अवधिमा म्यादी, लघुम्यादी र बैदेशिक रोजगार जीवन बीमासहित बीमाको दायरा ४७.३९ प्रतिशत जनसंख्थामा पुगेको हो ।

सरकार र नियमनकारी निकायका विभिन्न जनचेतनामुलक कार्यक्रमहरुले नागरिकहरुले बीमालाई अपरिहार्य आवस्यकताका रुपमा महसुस गर्न थालेका छन् । झिनो प्रतिशतले बीमाको दायरा बढेको छ । यद्यपी आम नाकरिकमा बीमाको आवस्यकता र औचित्य फैलिन थालेको छ ।
प्राधिकरणको तथ्यांक अनुसार अहिले ५३ प्रतिशत जनसंख्या बीमाको पहुँच बाहिर छन् ।

राष्ट्रिय तथ्यांक कार्यालयले प्रकाशित गरेको २०७८ सालको जनगणना प्रतिवेदनमा प्रकाशित जनसंख्याको वृद्धि प्रतिशतका आधारमा वैशाख मसान्तसम्मको जनसंख्या प्रक्षेपण गरेर प्राधिकरणले पहुँचको गणना गरेको हो ।

चालु आर्थिक वर्षको बैशाख मसान्तसम्मको अवधिमा सञ्चालनमा रहेका कुल ३७ वटा बीमा कम्पनीहरुमा कुल १२ हजार १६३ जना कर्मचारीहरु बीमा कम्पनीमा कार्यरत रही आम नागरिकहरुलाई बीमा सेवा प्रदान गरीरहेका छन् । जसमा जीवन बीमा कम्पनीमा ६ हजार ८७ जना र निर्जीवन बीमा कम्पनीमा ६ हजार ७५ जना कर्मचारी कार्यरत रहेका छन् ।