हामी सबैकाे संसारन्यूज

बेल्जियम । मगर संघ बेल्जियमको अध्यक्षमा कल्पना मगर निर्विरोध निर्वाचित भएकी छन् ।

संघको हालै सम्पन्न छैटौँ अधिवेशनले कञ्चनपुर स्थायी घर भई हाल बेल्जियममा बसोबास गर्दै आएकी मगरलाई अध्यक्ष पदमा निर्विरोध निर्वाचित गरेको हो ।

त्यस्तै संघको उपाध्यक्षमा रोल्पाका हिमाल बुढा मगर, सचिवमा बागलुङका सन्दर्भ पुन र गुल्मीकी कृष्ण कुमारी पुन चयन भएका छन् भने कोषाध्यक्षमा गुल्मीकै दीपक थापा, सह–कोषाध्यक्षमा बागलुङका क्षेत्र थापा र सांस्कृतिक विभाग संयोजकमा गोरखाका अमर राना चयन भएका छन् ।

त्यसैगरी संघको लेखा समिति संयोजकमा म्याग्दीका मोहन रोका चयन भएका छन् भने सदस्यहरूमा रुकुमका सुजीत बुढा मगर र सतमान पुन, रोल्पाका श्याम बुढा मगर, म्याग्दीका पुरन पुन, दाङका मिलन पुन तथा सोलुखुम्बुकी दिलमाया मगर चयन भएका छन् ।
कार्यसमितिमा विभिन्न जिल्लाका महिला र युवा प्रतिनिधित्वलाई समेटिएको बताइएको छ ।
नेपाली राजदूत सेवा लम्सालको प्रमुख आतिथ्यता रहेको उक्त कार्यक्रममा (बेनेलक्स राष्ट्रहरू तथा युरोपियन युनियन) को उपस्थिति रहेको थियो ।
त्यस्तै विशेष अतिथिमा अन्तर्राष्ट्रिय मगर महासंघ महासचिव तथा आदिवासी जनजाति महासंघ बेल्जियमका अध्यक्ष बिरमान घर्ति मगर, अन्तर्राष्ट्रिय मगर महासंघ युरोप संयोजक नेत्र मगर, एनआरएनए बेल्जियमकी अध्यक्ष सिता सापकोटा, तथा ज्येष्ठ नागरिक तथा विशिष्ट अतिथि लाल प्रसाद पाइजा लगायत बेल्जियममा रहेका दर्जनौँ संघ संस्थाका प्रतिनिधिहरुको उपस्थिति रहेको थियो ।