हामी सबैकाे संसारन्यूज

काठमााडौं । प्रधानमन्त्रीसहित प्रमुख तीन राजनीतिक दलका शीर्ष नेताहरूको बैठक बस्ने भएको छ । दिउँसो २ बजे सिंहदरबारमा तीन नेताहरु बैठक बस्ने भएका हुन् ।

प्रधानमन्त्री केपी शर्मा ओलीले गत बुधबार र बिहीबार कांग्रेस सभापति शेरबहादुर देउवा र माओवादी केन्द्रका अध्यक्ष पुष्पकमल दाहाल ‘प्रचण्ड’सँग छलफल गर्ने भनेका थिए । तर, प्रचण्डले बैठकमा उपस्थित नभएकाले बैठक स्थगित भएको थियो ।

उनीहरूबिच समसामयिक राजनीति, संसद्को गतिरोध अन्त्य, संसद्बाट विधेयक पारित गर्ने र संक्रमणकालीन न्याय लगायतको विषयमा छलफल हुने भएको हो ।

दुई वर्ष ‘कुलिङ पिरियड’ राखिएको संघीय निजामती विधेयक पारित गर्ने प्रतिनिधिसभामा कार्यसूची भएपनि अहिले ‘होल्ड’ भएको छ । बजेट पारित भएसँगै निजामती विधेयक, शिक्षा विधेयकपनि तत्काल पारित गर्न दबाब बढेको छ ।