Sansar News
काठमाडौँ । धरान उपमहानगरपालिकाले एशियली विकास बैंक (एडिबि) को ऋण नलिने घोषणा गरेको छ । उपमहानगरपालिकाका मेयर हर्कराज राईले आज (बिहिबार) खानेपानी मन्त्रालयलाई पत्र लेख्दै विदेशी ऋणमा खानेपानी आयोजना नबनाउने बताएका हुन् ।
संघीय सरकारले आगामी आर्थिक वर्ष २०८२/०८३ मा धरानको खानेपानीको दीर्घकालीन योजनाका लागि रु. ४ करोड बजेट विनियोजन गरेको र बाँकी एडिबीबाट ऋण लिएर आयोजना निर्माण गर्ने सुन्नमा आएको भन्दै राइले सो ऋण नलिने पत्रमार्फत घोषणा गरेका हुन् । उनले आफै खोला खोल्सीको पानी जोडेर गुजारा गर्ने बताएका छन् ।
देशलाई ऋणको भारि नबोकाउन र राष्ट्रिय आम्दानीबाट खानेपानी आयोजना बनाउने भए मात्र अगाडी बढ्न पनि उनले आग्रह गरको छन् । उनले यसअघि लिएको ऋण पनि तिर्न बाँकी रहेकोले एडिबिको ऋण नलिने उक्त पत्रमा जनाएका छन् ।
वि.सं.२०८२ असार १९ बिहीवार १४:२४ मा प्रकाशित
