Sansar News
काठमाडौं । साताको तेस्रो दिन मंगलबार सेयरबजार परिसूचक (नेप्से) ३०.७६ (१.०३ प्रतिशत) अंकले बढेर ३००२.०७ बिन्दुमा पुगेको छ । नेप्से बढेसँगै परिसूचक पनि तीनहजार अंकबाट उकालो लागेको हो ।
पछिल्ला दिनहरुमा नेप्सेमा भएको करोबार रकम उच्च छ । परिसूचक बढ्दै जाँदा कारोबार रकममा पनि उल्लेख्य बृद्धि भएको देखिएको हो ।
मंगलबार कूल सूचिकृतमध्ये २५० कम्पनीका करिब १८ अर्ब ५३ करोड रुपैयाँ बराबरका चार करोड १८ लाख कित्ता सेयर किनबेच भएको नेप्सेले जनाएको छ ।
अधिकांस कम्पनी उपसूचक समुहमा हारियाली छाएको आजको बजारमा विकास बैंक समुह, वित्त कम्पनी समूह र ब्यापार समुहका लगानीकर्ता भने निरास देखिएका छन् ।
मुक्तिनाथ कृषि कम्पनी, ट्रेड टावर, सान्भी इनर्जी लगायका कम्पनीहरुका लगानीकर्ताहरु सबैभन्दा धेरै कमाउनेमा परेको आजको बजारमा समता लघुवित्त, बिन्ध्यवासिनी हाइड्रो, उन्नती लघुवित्तलगायतका कम्पनीका लगानीकर्ताहरु भने धेरै गुमाउनेमा परेका छन् ।
सबैभन्दा धेरै कारोबार गर्ने कम्पनीहरुमा हिमालयन डिस्टिलरी, ग्रिनभेन्चर लिमिटेड, नेपाल रिइन्स्योरेन्स कम्पनीहरु दरिएका छन् भने प्रभु बैंक लिमिटेड, कुमारी बैंक लिमिटेड, सनराइज ब्लुचिफ फण्ड लगायतका कम्पनीको सबैभन्दा बढी सेयर किनबेच भएको नेप्सेले जनाएको छ ।
वि.सं.२०८२ साउन १३ मंगलवार १५:४३ मा प्रकाशित
