हामी सबैकाे संसारन्यूज

अमेरिका । किरात याक्थुङ चुम्लुङ अमेरिकाद्वारा आयोजना गरिएको यस वर्षको सिसेक्पा तङ्नाम २०२५ विशेष कार्यक्रम सम्पन्न भएको छ ।

गत आइतबार अमेरिकाको न्युयोर्कस्थित क्विन्स ब्रीड्ज पार्कमा सम्पन्न उक्त कार्यक्रममा नेपाली महावाणिज्यदूतावास न्युयोर्कका महावाणिज्यदूत दधिराम भण्डारी प्रमुख अतिथि रहेका थिए भने विशेष अतिथिहरुमा आदिवासी जनजाती महासंघ अमेरिकाका अध्यक्ष तोरण गुरुङ, किरात याक्थुङ चुम्लुङ अमेरिकाका सस्थापक अध्यक्ष श्याम मेन्याङ्बो कानुनी सल्लाहकार दुर्गा सुब्बा र मिल्ट्री अड्भाइजर मिस्नरी अफ नेपालका कर्णेल रोहित गुरुङ रहेका थिए ।

त्यसैगरी चलचित्र निर्देशक किशोर सुब्बा उद्यमि व्यावसायी तथा समाजसेवी केशवराम राई पुर्व एआइजि अमर नेम्वाङ नृत्य निर्देशक गोविन्द राई नेपाली कलाकार संघ अमेरिकाको अध्यक्ष बसन्ती राई लगायत विशेष व्यक्तित्वहरुको उपस्थिती रहेको यस वर्षको सिसेक्पा तङ्नाम कार्यक्रममा किरात याक्थुङ चुम्लुङ नेपालको पूर्वउपाध्यक्ष लिला सिङगक तुम्याहाङ प्रेम मेन्याङ्बो शिव लाबुङको नेतृत्वमा धान नाच के लाङ प्रस्तुत भएको थियो ।

कार्यक्रममा नेपाल लगायत अमेरिकाको अन्य स्टेटबाट आएका लिम्बू दाजुभाइ तथा दिदिबहिनीहरुलाई प्रमुख अतिथिबाट खादा ओढाई सम्मान गरिएको थियो भने बिङ्गो, छेलो, डोरि तान्ने लगायतका खेलहरु समेत भएका थिए ।

उक्त कार्यक्रममा कलाकार नवीना लिम्बू र सनाया थापाको बेजोड नृत्य प्रस्तुति रहेको थियो । प्रमुख अतिथि दधिराम भण्डारीले लिम्बू जातिको सिसेक्पा तङ्नाम जस्तै अन्य जातिहरुको पनि विशेष पर्वहरु मनाउनु आवश्यक रहेको र यसका लागि महावाणिज्यदूतावासको तर्फबाट आफुले सक्दो सहयोग गर्ने प्रतिबद्धता जाहेर गरे ।

त्यस्तै कार्यक्रमका सभापति तथा किरात याक्थुङ चुम्लुङ अमेरिकाका अध्यक्ष पुरन पयाङ्गु लिम्बुले आफ्नो सस्कार सस्कृती चाडपर्व आदिको प्रबद्र्धन गर्दै भावी पुस्ताहरुलाई पुस्ता हस्तान्तरणका लागि सिसेक्पा तङ्नाम जस्तो पर्वहरुको विशेष कार्यक्रम गर्नु आवश्यक रहेको बताए ।

लिम्बू तथा गैरलिम्बुहरुको उल्लेख्य उपस्थिति रहेको यस वर्षको सिसेक्पा तङ्नाम विशेष कार्यक्रम सस्थाका अध्यक्ष पुरन पयाङ्गु लिम्बुको सभापतित्वमा सम्पन्न भएको थियो ।