हामी सबैकाे संसारन्यूज

काठमाडौं । बीमा शुल्क आर्जनमा नेपाल लाईफ अब्बल देखिएको छ । शुक्रबार सार्बजनिक जीवन बीमा व्यवसाय गर्ने कम्पनीको वित्तिय विवरणमा यस्तो देखिएको हो । गत आर्थिक वर्ष २०८१/८२ मा नेपाल लाइफले ४८ अर्ब रुपैंयाँ बराबरको व्यवसाय गरेको छ । यो अवधिमा उसको २२ लाख ८७ हजार सक्रिय बीमालेख रहेको छ । उसको गत आर्थिक वर्ष भरिको आम्दानी जीवन बीमा व्यवसाय गर्ने बीमा कम्पनीहरुको कूल आम्दानीको २६.४८ प्रतिशत हो ।

नेशनल लाईफ, लाइफ इन्स्योरेन्स कर्पाेरेसन(नेपाल) र हिमालयन लाइफ इन्स्योरेन्स कम्पनीका बीच तिब्र प्रतिस्पर्धा देखिएको हो । गत बर्ष ति तीन कम्पनीले गरेकाे आम्दानी कूल आम्दानीको ३३.०८ प्रतिशत अर्थत ६२ अर्ब २८ करोड रुपैंयाँ रहेको छ । उनीहरुको आम्दानी भने नेपाल लाइफ एक्लैकोभन्दा करिब ६.६ प्रतिशतले मात्रै बढी हो ।

तीन कम्पनी बिच तिब्र प्रतिस्पर्धा

आम्दानीका आधारमा गत वर्ष तीन बीमा कम्पनीहरुबीच तीब्र प्रतिस्पर्धा देखिएको छ । नेशनल लाईफ, लाइफ इन्स्योरेन्स कर्पाेरेसन(नेपाल) र हिमालयन लाइफ इन्स्योरेन्स कम्पनीका बीच तिब्र प्रतिस्पर्धा देखिएको हो । गत बर्ष ति तीन कम्पनीले गरेकाे आम्दानी कूल आम्दानीको ३३.०८ प्रतिशत अर्थत ६२ अर्ब २८ करोड रुपैंयाँ रहेको छ । उनीहरुको आम्दानी भने नेपाल लाइफ एक्लैकोभन्दा करिब ६.६ प्रतिशतले मात्रै बढी हो ।

बीमा व्यवसाय गर्ने कम्पनीहरुकोसमग्र अम्दानीमा राष्ट्रिय बाणिज्य बैंककोसमेत सेयर स्वामित्व रहेको नेशनल लाइफ इन्स्योरेन्स दोस्रो स्थानमा रहेको छ । उसले गत वर्ष कूल २२ अर्ब ४२ करोड रुपैंयाँ बीमा शुल्क आर्जन गरेको छ । जुन कूल बीमा शुल्कको १२.३६ प्रतिशत हो । त्यस्तै भारतीय जीवन बीमा कम्पनी लाइफ इन्स्योरेन्स कर्पोरेसन इन्डियाको ५५ प्रतिशत सेयर स्वामित्व रहेको लाइफ इन्स्योरेन्स कर्पोरेसन नेपाल तेस्रो स्थानमा रहेको छ । उसले कूल बीमा शुल्क आमदानीको १०.९८ प्रतिशत अर्थत १९ अर्ब ९३ करोड रुपैंयाँ आम्दानी गरेको छ ।

अघिल्लो वर्ष तीन वटा जीवन बीमा कम्पनी(प्राइम लाइफ, गुराँस लाइफ र यूनियन लाईफ)हरु एकापसमा मर्ज भएर स्थापना भएको जीवन बीमा कम्पनी हिमलयन लाइफ इन्स्योरेन्स कम्पनी आम्दानीको आधारमा जीवन बीमा कम्पनीहरुमा चौथो भएको छ । उसले कूल आम्दानीको ९.७३ प्रतिशत अर्थत १७ अर्ब ६६ करोड रुपैंयाँ बराबरको बीमाशुल्क आम्दानी गरेको छ ।

यसरी हेर्दा नेपालको अहिलेको जीवन बीमा व्यवसायको झण्डै ६० प्रतिशत हिस्सा यीनै चार वटा बीमा कम्पनीहरुले ओगटेका छन् । लघु बीमा बाहेक हाल नेपालमा १४ वटा जीवन बीमा कम्पनीहरुले आफ्नो व्यवसाय गरिरहेका छ । जस मध्ये एउटा बीमा कम्पनी राष्ट्रिय जीवन बीमा कम्पनी मात्र नेपाल सरकारको पूर्ण स्वामित्वमा रहेको कम्पनी हो । जसको आम्दानीको अवस्था भने कूल आम्दानीको ५.४३ प्रतिशत मात्र रहेको छ ।

तालिकामा हेर्नुहोस् गत आर्थिक वर्ष २०८१/८२ मा जीवन बीमा कम्पनीहरुको आम्दानीको अवस्था