Sansar News
काठमाडौँ । बुधबार सेयर बजार दोहोरो अंकले घटेको छ । आज १०.५० अंकले सेयर बजार घट्दा नेप्से २७८५ अंकमा कायम भएको छ ।
बजार घटेसँगै कारोबार रकम पनि घटेको छ । अघिल्लो दिन ६ अर्ब ९१ करोडको कारोबार भएकोमा आज ६ अर्ब १६ करोडको भयो । ८९ कम्पनीको मूल्य बढ्दा १५९ को घट्यो भने एउटाको स्थिर रह्यो ।
आज १३ समूह मध्ये जम्मा तिन वटा समूह बढेको छ भने बाँकी सबै भटेको छ । विकास बैंक समूह ०.३५, फाइनान्स ०.०४ र अन्य ०.०३ प्रतिशत बढेका छन् ।
त्यस्तै आज सबैभन्दा बढी व्यापार समूह घटेको छ । व्यापार १.५० प्रतिशत घट्यो । बैंकिङ ०.६९, होटल तथा पर्यटन ०.५४, हाइड्रोपावर ०.३०, लगानी ०.०२, जीवन बीमा ०.५६, उत्पादन तथा प्रशोधन ०.१०, माइक्रोफाइनान्स ०.२२ तथा निर्जीवन बीमा ०.२७ प्रतिशत घटे ।
आज सबैभन्दा बढी मायाखोला हाइड्रोपावरको सेयर मूल्य बढेको छ । सो हाइड्रोपावरको मूल्य ५.७४ प्रतिशतले बढेको हो भने आज सबैभन्दा बढी मूल्य घट्नेमा सिक्लेस हाइड्रोपावर अग्र स्थानमा रहेको छ । आज सो सिक्लेस हाइड्रोपावर७.२२ प्रतिशत घट्यो
आज धेरै कारोबार भएका कम्पनीमा बलेफी हाइड्रोपावर पहिलो नम्बरमा रहेको छ ।
वि.सं.२०८२ साउन २८ बुधवार १६:५४ मा प्रकाशित
