Sansar News
रसज्ञ छहरा
कावासोती–३ नवलपुर,नेपाल
बेचेर सपना सँगिनी यो रात किनेको छु
साथै जीवन बिताउने औकात किनेको छु
दिन्छ्यौ यो जिन्दगीमा खुसी तिमीले भनेर नै
मैले गठिला कर्मठ तिम्रा हात किनेको छु
सदैव हाम्रो यो जिन्दगीमा सुख होला भनी
सधैँ मीठो खान दिन्छ्यौ अन्नपात किनेको छु
तिम्रा ती कार्यको प्रसंशा गर्दै मैले आज औधी
तिमीलाई दिन भनेर सौगात किनेको छु
अन्तिम घडीसम्म मलाई साथ दिन्छ्यौ भन्दै
जीवन सँगिनी मेरी जन्मजात किनेको छु
आदि अनुप्रास : आत
शेष अनुप्रास : किनेकोछु
अभ्यास : नेपाली साहित्यकार विश्वसञ्जाल
वि.सं.२०८२ साउन ३१ शनिवार ०९:५८ मा प्रकाशित
