हामी सबैकाे संसारन्यूज

सरस्वती श्रेष्ठ

बुटवल, रुपन्देही लुम्बिनी प्रदेश

१.
नारी सहनशिलताकी खानी
हाँसेर पीडा लुकाउने
असल उनको बानी ।

२.
हरेक सङ्घर्षमा भिड्ने
अन्यायले नाघे सीमा
काली बनेर गिँड्ने ।

३.
ममता की खानी नारी
सन्तानलाई सब लुटाउँछिन्
घरपरिवार चट्ट सिङ्गारी ।

४.
नारी सजाउँछिन् फुलबारी
सबका चाहना बुझेर
रङ्गीन बनाउँछिन् घरबारी ।

५.
नारीका भूमिका थरीथरी
छोरी, बुहारी, आमा
निभाउँछिन् अनेक घरीघरी ।

६.
आफू जन्मेको घर
बिहेपश्चात् फेरिन्छ उनको
गोत्र अनि थर ।

७.
लुकाई पीडा हाँस्छिन्
सबलाई आफ्नो बनाई
सम्बन्ध राम्रो गाँस्छिन् ।

८.
नारी भएमा असल
परिवार बन्दछ सुखी
लाग्दछ राम्रो फसल ।

९.
मैनझैँ छिन् नारी
पार्छिन् उज्यालो जलेर
धरती झलमल पारी ।

१०.
छर्लङ्ग छ दर्पण
परिवारकै लागि नारी
गर्दछिन् जीवन अर्पण ।