Sansar News
काठमाडौं । राष्ट्रिय स्वतन्त्र पार्टी (रास्वपा) का केन्द्रीय सदस्य डा.अरनिको पाँडेलाई साइबर अपराधको आरोपमा प्रहरीले पक्राउ गरेको छ । जिल्ला अदालत काठमाडौंले उनलाई चार दिन थुनामा राखेर अनुसन्धान गर्न अनुमति दिएको छ ।
पाँडे बुधबार पक्राउ परेका हुन् । एक महिलाले सामाजिक सञ्जाल र ह्वाट्सएपमार्फत अश्लील र आपत्तिजनक सन्देश पठाएको भन्दै दिएको उजुरीका आधारमा उनलाई पक्राउ गरिएको हो ।
उनीमाथि विद्युतीय कारोबार ऐनअन्तर्गत अनुसन्धान भइरहेको छ । पाँडेनिकट रास्वपा कार्यकर्ताहरूले भने यो पक्राउलाई राजनीतिक प्रतिशोध भएको बताएका छन् ।
वि.सं.२०८२ भदौ १२ बिहीवार १६:५३ मा प्रकाशित
