हामी सबैकाे संसारन्यूज

काठमाडौँ । सूर्यज्योति लाइफ इन्स्योरेन्स कम्पनी लिमिटेडको नायब प्रमुख कार्यकारी अधिकृतमा फर्शुराम मरासिनी नियुक्त भएका छन् ।

भाद्र १८ गते बसेको कम्पनीको सञ्चालक समितिको बैठकले मरासिनीलाई शुक्रबारदेखि लागु हुनेगरी डिसीईओ पदमा नियुक्ति गर्ने निर्णया गरेका थियो । सो निर्णयको अनुसार आजबाट मरासिनीलाई डिसीईओ पदमा नियुक्त गरिएको हो ।

कम्पनीका अनुसार मरासिनीलाई भदौ १९ गते देखि लागु हुने गरी ४ वर्षको लागि नायब प्रमुख कार्यकारी अधिकृतमा नियुक्त गरेको छ । मरासिनी सूर्यज्योति लाइफ इन्स्योरेन्स कम्पनीमा नायब महाप्रन्धकको जिम्मेवारीमा विगत ८ वर्ष देखि कार्यरत रहेका थिए । जीवन बीमा क्षेत्रमा उनको लामो अनुभव र नयाँ जिम्मेवारीले कम्पनीलाई अझ उचाईमा पुर्याउन महत्वपुर्ण योगदान पुग्ने कम्पनीले उनीबाट आशा राखेको छ ।