हामी सबैकाे संसारन्यूज

नेपाल राष्ट्रिय प्रध्यापक संगठनले शान्तिपूर्ण प्रदर्शनीमार्फत् सरकारसमक्ष आफ्ना माग पूरा होस् भन्दै संघर्षमा उत्रिएका युवाहरूप्रति सरकारले ज्यादती गरेको भन्दै विरोध जनाएको छ ।

मंगलबार एक प्रेस विज्ञप्ति जारी गर्दै संगठनले वार्तामार्फत समस्याको निकास खोज्नुको सट्टा सरकारले युवाहरूलाई उत्तेजित गराउँदै अत्याधिक भौतिक शक्ति प्रयोग गरी निहत्था युवाहरूको ज्यानसम्म जाने परिस्थिति सिर्जना गराएकोप्रति आफनो गम्भीर ध्यानाकर्षण भएको जनाएको छ ।

‘हामी देशमा विकसित यस विषम परिस्थितिमा सरोकारवाला सम्पूर्ण पक्षलाई देश र जनताको बृहत हितलाई ध्यानमा राखी संयम अपनाउन अनुरोध गर्दछौँ । साथै सरकारलाई दमनको नीति तुरुन्त त्यागी शान्तिपूर्ण प्रक्रियाद्वारा युवाहरूको माग सम्बोधन गर्न, घाइतेहरूको उपचार गर्न, बन्दीहरू रिहाई गर्न मृत्यु भएकाहरूको परिवारजनलाई क्षतिपूर्ति दिन, र यस घटनामा संलग्न दोषीहरूलाई सजायको व्यवस्था गर्न अपिल गर्दछौँ’, संगठनले अध्यक्ष प्रा।डा। बालमुकुन्द रेग्मी र महासचिव डा। तिलक के।सी।द्वारा हस्ताक्षरित विज्ञप्तिमार्फत भनेको छ ।

संगठनले घाइते सबैको शीघ्र स्वास्थ्यलाभको कामना समेत गरेको छ ।