हामी सबैकाे संसारन्यूज

काठमाडौं । पूर्वप्रधानन्यायाधिश सुशीला कार्कीको नेतृत्वमा आजै नयाँ सरकार बनाउने सहमति जुटेको छ ।

शुक्रबार दिनभरी शितल निवासमा भएको छलफलमा कार्कीलाई सरकार प्रमुख बनाउने गरी सहमति जुटेको हो । कार्कीको नेतृत्वमा नयाँ सरकार बनाउनका लागि बिहीबारदेखि भएको लामो छलफलपछि प्रतिनिधिसभा विघटन गर्नेगरी सहमति जुटेको हो ।

स्रोतका अनुसार कार्कीलाई सरकारको नेतृत्व सुम्पिएपछि मात्र संसद विघटन गर्ने राष्ट्रपतिले अडान लिएको र आन्दोलनरत युवाहरुले तत्काल आन्दोलनकारी बोलाएर सितल निवास घेर्ने चेतावनी दिएपछि राष्ट्रपति आफ्नो अडानबाट पछि हटेका हुन् ।

शितल निवासमा पहिले संसद विघटन गर्ने निर्णयको मस्यौदा तयारी गरेर कार्कीलाई प्रधानमन्त्री नियुक्त गर्ने नियुक्तपत्रको मस्यौदा गर्ने कार्य भइरहेको समेत बताइएको छ ।

यसअघि पौडेलले बिहीबारदेखि प्रमुख राजनीतिक दलका नेताहरुसँगको छलफलमा राजनीतिक दलहरुले यहि संसदभित्रबाट कार्कीलाई प्रधानमन्त्री बनाउन सल्लाह दिएका थिए । तर, आन्दोलनरत जेनजीका नेताहरुले पहिलो संसद विघटन गरेपछि मात्र कार्कीलाई सरकार प्रमुखमा नियुक्त गर्नुपर्ने अडान राख्दै आफुहरुको माग सुनुवाइ नभएमा पुनः आन्दोलनमा जाने चेतावनी दिएपछि राष्ट्रपतिले यस्तो निर्णय गरेका हुन् ।