हामी सबैकाे संसारन्यूज

गाजा । हमासको कब्जामा परेका नेपाली नागरिक विपिन जोशीको मृत्यु भएको पुष्टि भएको छ।

हमासको सशस्त्र शाखा अल–कसम ब्रिगेड्सले सोमबार विज्ञप्ति जारी गर्दै जोशीसहित चार जना मृत बन्दीहरूको पहिचान सार्वजनिक गरेको हो। विज्ञप्तिअनुसार मृतकहरूमा गाय इलुज, योसी शाराबी, विपिन जोशी र ड्यानियल पेरेज रहेका छन्।

अल–कसम ब्रिगेड्सले ती चार जनाको शव इजरायली पक्षलाई हस्तान्तरण गर्ने घोषणा गरेको छ। यो प्रक्रिया इजरायल र हमासबीच भएको नयाँ सम्झौताकाे एक हिस्सा भएको बताइएको छ। उक्त सम्झौताअनुसार इजरायलले केही प्यालेस्टाइनी कैदीहरूलाई रिहा गर्नेछ।

यसअघि हमासले गाजामा रहेका २० जना जीवित बन्दीहरूलाई रिहा गरिसकेको दाबी गरेको थियो। तर, केही मृत इजरायली बन्दीका अवशेषहरू अझै हमासको नियन्त्रणमा रहेको अन्तर्राष्ट्रिय सञ्चारमाध्यमहरूले जनाएका छन्।

इजरायली अधिकारीहरूले भने उक्त सम्झौताअन्तर्गत हमासले मृतक बन्दीहरूको शव फिर्ता गर्नुपर्ने माग गरेका छन्।