Sansar News
अरुण खड्का, कीर्तिपुर, काठमाडौँ
चाहना छ मायाको धन लिएर के हुन्छ
प्रीतको छ तिर्खा सर्वत पिएर के हुन्छ
काट्दछन् कुरा हरदम निर्दयीहरू तिम्रो
एउटाको मात्रै मुख अब सिएर के हुन्छ
अल्झिइन् प्रिया मेरो जालभित्र मायाको
प्यारमा हृदय उनको अल्झिएर के हुन्छ
बस्न मन भए मेरो प्रेमको छहारीमा
छेउमा उनी पर्न तन्किएर के हुन्छ
वेदनाको ज्वाला झन् दन्किँदैछ छातीमा
सहनु पर्छ पीडा पर पन्छिएर के हुन्छ
बहर : हजज मुसम्मन अश्तर
वजन : २१२ – १२२२ – २१२ – १२२२
अर्कान : फाइलुन , मुफाईलुन , फाइलुन, मुफाईलुन
काफिया : इएर
रदीफ :के हुन्छ
वि.सं.२०८२ कात्तिक १ शनिवार १०:४४ मा प्रकाशित
