हामी सबैकाे संसारन्यूज

एक नारायण चापागाईं, दाङ

डुलेझैँ लाग्छ जङ्गलमा डुबेझैँ लाग्छ पानीमा
परेझैँ रातिमा ऐँठन दुखेको हुन्छ छातीमा

मलाई सम्झिए छन् कि कुनै आफ्नाले धेरै नै
भयो के हिक्क मात्रै यो अचानक आज घाँटीमा

यो मौसमले भरेको छ नयाँपन पालुवामाथि
त्यसैले लाग्छ सुन्दर वन फुलेको फूल डालीमा

कुनै दिन खानलाई हो सँगाली अन्न राखेको
मुसाले खान पल्केछन् लुकाएको भकारीमा

कतै अलमल हुँदै हुन्न एकोहोरो भएको मन
कसम खाएर जोडीले चढे जीवनको गाडीमा

बहर : हजज मुसम्मन् सालिम
वजन : १२२२ – १२२२ – १२२२ – १२२२
अर्कान : मुफाईलुन , मुफाईलुन , मुफाईलुन , मुफाईलुन
काफिया : ई
रदिफ :मा
अभ्यास : स्वर्ण पाठशाला